Top Ad unit 728 × 90

لخدمة الاتصال الفوري برجاء الضغط هنا Call Us Or Chat On Social Media +201096001803

شوف القاهرة بعين جديدة

في أكيد أماكن كتير منعرفش حاجة عنها في القاهرة أماكن منسية مع إنها ليها قصص وروايات كتير إتقالت عنها لو بتحب القصور والأماكن التاريخية :


-          قصر البارون في مصر الجديدة :



يعتبر من أكتر الأماكن الغامضة في القاهرة كان فيه حواليه اساطير كتير من اول البيت بطل يدور بعد ما بنت البارون ماتت أو إن كان عايش فيه عبدة شياطين !!
قصر البارون بناه مليونير بلجيكي البارون ادوارد امبان , مكان القصر في قلب مصر الجديدة ...
صمم القصر بطريقة ان الشمس متغيبش عنه ابدا وكان في غرفة في القصر الشمس بتدخلها طول الوقت في اليوم.
صمم القصر المعمار الفرنسي الكساندر مارسيل وزخرفه جورج لويس كلود واتبنى بالكامل 1911.
أما عن الموسيقى الغريبة اللي كانت بتشتغل بليل كل يوم ف ده كان مجموعة شباب بيتسللوا جوه القصر ويعملوا حفلات ويشغلوا Black metal music   ده اللي ازعج سكان المنطقة وبلغوا الشرطة واتقبض عليهم في قضية ( عبدة الشياطين ) وكانت أول مرة تحصل حاجة زي كده.

-          دير القديس سمعان بالمقطم :



يعتبر من أفضل الأماكن للتصوير .. موجود في أعلى هضبة المقطم .. هو مكان محفور جوه الجبل بيضم 6 كنائس ,وهي من أكبر الكنائس في مصر موجود فيه 76 صورة محفورة يدويا في الجبل !!
الدير اتقال عن بناه اكتر من اسطورة منهم  ان أم كلثوم كانت من أهم الأسباب اللي مهدت لبناء الدير بطريقة غير مباشرة ,لأنها كانت ساكنة في الزمالك على النيل والناحية التانية كان بيعيش (جامعي القمامة) كانت أم كلثوم بتضايق من شكل جبال القمامة , وفي حفلة كان موجود محافظ القاهرة قالتله ,واستجاب ليها ونقل أكتر من 500 أسرة لجبل المقطم ..
وبعد محاولات لمساعدة أهل المنطقة تم بناء الدير تدريجيا لحد ما وصل لشكله الحالي .
بتتميز الكنيسة بوجود بروز واضحة بالسقف وكل الصور منحوته يدوي بواسطة شاب (ماريو خواجة من بولندا ) رسم ونحت على الجبل 76 صورة.
اتبنى الدير على مرحلتين 1- كانت مغارة صغيرة إرتفاعها ميزيدش عن متر واحد .
2- في نوفمبر 1949 اتجهز بمقاعد ثابته على هيئة مدرجات .

أما لو بتحب القصور والأماكن الأثرية فـ بعد القلعة وبيت السحيمي في كمان :

-          قصر المانسترلي :




من التحف المعمارية في مصر هو المتبقي من مجموعة مباني حسن فؤاد المانسترلي , اما تسمية القصر ف ده بيرجع ان أصل حسن فؤاد مانستر , مقدونيا.
الحكومة المصرية حولته لأثر تريخي ورممته وجددته , ويقام فيه القصر الإحتفالات الثقافيه المهمة , موجود في القصر مركز الموسيقى الدولي وبيقام فيه حفلات موسيقيه.
تأسس في القصر جامعة الدول العربية وأقيم فيه بعض إجتماعات الجامعة.

القصر موجود فيه متحف أم كلثوم بيضم كل مقتنياتها في فاترينه زي نضارتها المشهورة .

-          بيت الكريتليه :


بيعتبر من الأثار الإسلامية النادرة الموجودة .. البيت نفسه بيتكون من بيتين الأول بناه المعلم عبد القادر الحداد ومعروف حاليا بإسم امنه بنت سالم.
البيت التاني بناه أعيان القاهرة محمد بن الحاج سالك وكان بيسكنه الأسر الثرية على مر السنين , حتى سكنه سيدة من كريت وده كان سبب شهرته ببيت الكريتليه.
البيت ساءت حالته لدرجه انه كان هيهدم ولجنة حفظ الأثار العربية قامت بترميمه.
في البيت موجود متحف جاير أندرسون ,كان أشد من المعجبين بمصر وكان مهتم جدا بلأثار والفن الإسلامي ,وطلب من لجنة الأثار انه يسكن في البيت ويأسسه على الطراز الإسلامي العربي وعرض في البيت مجموعته من الأثار اللي كان بيجمعها (مقتنيات إسلاميه
,فرعونية وأسيوية).

-          وكالة الغوري :



 إتبنت في عهد قانصوه الغوري كانت جزء من مجموعة أثرية بناها السلطان الغوري (مدرسة الغوري – الخانكة – السبيل والكتاب)


بيقام فيها عروض فن التنورة والرقص الصوفي وحاليا تتبع وزارة الثقافة وتحولت لمركز فنون بدل من مركز تجاري !
شوف القاهرة بعين جديدة Reviewed by cairolimousine on 2:30 م Rating: 5

ليست هناك تعليقات :

جميع الحقوق محفوظة // ليموزين مطار القاهرة © 2015 - 2016

نموذج الاتصال

الاسم

بريد إلكتروني *

رسالة *

يتم التشغيل بواسطة Blogger.